2010 йил 30 августда Президент Ислом Каримов ғояси, ташаббуси ва раҳнамолигида барпо этилган “Кўҳна ва боқий Бухоро” монументи, вилоят мусиқали драма театрининг муҳташам биноси ҳамда амфитеатрни ўз ичига олган “Бухоро маданий маркази” мажмуаси очилди.
“Кўҳна ва боқий Бухоро” монументининг марказий қисмида уч авлод - бахтиёр ёш оила: ота-она ва бола, барҳаётлик тимсоли - ниҳол ўтқазаётган бобо ва невара ҳамда уй қураётган ота ва фарзанднинг барелйефли ҳайкаллари ифодаланган.
Маданий марказ ҳудудидаги барча йўллар салобатли “Кўҳна ва боқий Бухоро” монументи ёнида туташади. Обиданинг баланд тепасида улкан Ёр шари ўрнатилган. Унда мустақил Ўзбекистон харитаси тилла рангда нақшланган.
